Charta qua Arleius dat monasterio Cluniacensi tertiam partem silvæ de Vernedo.
In nomine Verbi incarnati. Notum sit cunctis fidelibus, quod ego Arleius, in ultimis vitę positus, dono Deo et sanctis apostolis ejus Petro et Paulo, ad locum Cluniacum, aliquid de mea hereditate, in pago Matisconensi, scilicet meam partem de silva Vernedo, haec est tercia pars. Facio autem donationem hanc pro animę meę remedio, et ut corpus meum honorifice fratres ejusdem monasterii tradant sepulturę. Quod si quis hanc evertere voluerit helemosinam, fiat anathema maranatha. Et ut firma sit ista donatio, propriis manibus firmavi et testibus roborandam delegavi. S. Arlei, qui donationem fecit.